Վանի հայկական եկեղեցիները վտանգի տակ

Թուրքիոյ արեւմտեան հատուածին մէջ գտնուող Վան քաղաքի (հայկական քաղաք հիմնադրուած մ.թ.ա. 9-րդ դարուն Վանի թագաւոր Սարդուրի Ա-ի կողմէ) շարք մը հայկական եկեղեցիներ լքուած եւ անյուսալի վիճակի մէջ են՝ օրէ օր աւերուելով:

Ermenihaber-ի հաղորդմամբ՝ Վանի կիսաքանդ հայկական եկեղեցիներէն երկուքը՝ Սբ. Բարդուղիմէոսը եւ Սբ. Թովմասը կարիք ունին վերանորոգման:

Նշենք, որ հակառակ բազմաթիւ կոչերուն՝ մինչ օրս թրքական իշխանութիւնները փլուզման եզրին գտնուող հայկական յիշեալ երկու եկեղեցիներու վերականգնման ուղղութեամբ քայլեր չեն ձեռնարկեր:

Սբ. Բարդուղիմէոսը կառուցուած է 4-րդ դարուն: 1990-ականներուն վերածուած է ոստիկանական բաժանմունքի, իսկ 2013-ին այդ բաժանմունքի տեղափոխումէն ի վեր չէ վերանորոգուած:

Գրեթէ նոյն ճակատագրին արժանացած է նաեւ Սուրբ Թովմաս եկեղեցին՝ երկար ժամանակ ծառայելով որպէս գոմ: Եկեղեցին կանգուն պահելու համար եւս վերականգնողական աշխատանքներ չեն տարուած:

Աղբիւրը` Արեւելք