Սուրբ Գրիգոր Լուսաւորիչ մայր տաճարը յայտնուած է աշխարհի 25 ամենագեղեցիկ եկեղեցիներու ցանկին մէջ
«Ասիկա մեր ցանկի նորագոյն տաճարներէն է՝ կառուցուած Վազգեն Ա․ կաթողիկոսի նախաձեռնութեամբ։
Luxatic portal-ը Երեւանի մէջ գտնուող Սուրբ Գրիգոր Լուսաւորիչ մայր տաճարը ներառած է աշխարհի 25 ամենագեղեցիկ տաճարներու ցանկին մէջ։ Այս մասին կը յայտնէ infoport.am-ը:
«Ասիկա մեր ցանկի նորագոյն տաճարներէն է՝ կառուցուած Վազգեն Ա․ կաթողիկոսի նախաձեռնութեամբ։ Յայտնի է նաեւ իբրեւ Երեւանի Մայր տաճար, անիկա Հայ Առաքելական Եկեղեցւոյ ամենամեծ տաճարն է աշխարհի մէջ։ Համալիրը բաղկացած է երեք եկեղեցիներէ։ Հայկական աւանդական ճարտարապետական ոճով կառուցուած տաճարը երկրի ամենաշատ այցելուող եկեղեցին է»,- կը նշէ հրատարակութիւնը։
Աղբիւրը` Եռագոյն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
05/05/2023, 07:45
