Հալէպի Հայ երեք համայնքապետները հանդիպում ունեցան ՀՅԴ Բիւրոյի ներկայացուցիչին հետ
Երեքշաբթի, 18 ապրիլ 2023-ի առաւօտուն, Բերիոյ հայոց թեմի առաջնորդ Մակար եպս. Աշգարեանի հիւրընկալութեամբ, հայ երեք համայնքապետներ` առաջնորդ սրբազան հայրը, Բերիոյ թեմի կաթողիկէ հայոց առաջնորդ Պետրոս արք. Միրիաթեան եւ Սուրիոյ հայ աւետարանական համայնքի համայնքապետ վեր. դոկտ. Յարութիւն Սելիմեան, Ազգային առաջնորդարանին մէջ հանդիպում ունեցան ՀՅԴ Բիւրոյի ներկայացուցիչ Յակոբ Տէր Խաչատուրեանի հետ:
ՀՅԴ Բիւրոյի ներկայացուցիչը զօրակցութիւն յայտնեց հալէպահայութեան` իր երեք համայնքներով:
Սիրալիր մթնոլորտի մէջ ընթացած հանդիպումին անդրադարձ կատարուեցաւ սուրիահայութեան կեանքին, յատկապէս երկրաշարժէն ետք եւ տնտեսական պայմաններու լոյսին տակ: Ինչպէս նաեւ խորհրդակցութիւններ կատարուեցան ապագայի նախաձեռնութիւններուն մասին:
Երեք համայնքապետները աստուածային օրհնութիւններով լեցուն բարեյաջող գործունէութիւն մաղթեցին ՀՅԴ Բիւրոյի ներկայացուցիչին:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
