Հայաստանը կը շարունակէ դասուիլ «Մասնակի ազատ» երկիրներու շարքին

Freedom House միջազգային  իրաւապաշտպան կազմակերպութիւնը հրապարակած է «Ազատութիւնը աշխարհի մէջ 2023» տարեկան զեկոյցը: Այս զեկոյցով կը գնահատուի աշխարհի մէջ քաղաքական իրաւունքներու եւ քաղաքացիական ազատութիւններու վիճակը:

Զեկոյցին համաձայն՝ Հայաստանի վարկանիշը 2022-ին գնահատուած է 54՝ 100-ի վրայ: Նախորդ տարուան զեկոյցին մէջ Հայաստանը հաւաքած էր 55 նիշ: Այսպիսով, Հայաստանը կը շարունակէ դասուիլ «մասնակի ազատ» երկիրներու շարքին:

Զեկոյցին մէջ, մասնաւորապէս, նշուած է, որ ազրպէյճանական սեպտեմբերեան յարձակումները Հայաստանի ինքնիշխան տարածքին վրայ զգալի ազդեցութիւն ձգած են Հայաստանի ժողովրդավարական յետագիծին վրայ եւ արժանի են յատուկ քննութեան 2023-ին.

«ազրպէյճանական ուժերը շարունակած են յարձակումները եւ գրաւած են հայկական տարածքներ սահմանի երկայնքով՝ սպառնալով Երեւանի ժողովրդավարական իշխանութեան եւ մեծցնելով լայնածաւալ պատերազմի վտանգը»:

Աղբիւրը՝ Եռագոյն