Աշխարհին մէջ թերասնումէ տառապող անձերուն թիւը 282 միլիոն է

Ռոպէր Աթթարեան - Վատիկան

Վերջին երկու տարիներու ընթացքին անօթութեան ենթարկուած մարդոց թիւը զգալի աճ արձանագրած է։ Ըստ 2022 թուականի GHI-ի (Global Hunger Index) համաձայն (աշխարհի մէջ անօթութեան ցուցանիշը)՝ սովի նկատմամբ առաջընթացը յանկարծակի կանգ առած է՝ եւ սովէն տառապողներուն թիւը ի բաղդատութիւն անցեալ տարուայ 46 միլիոնով աւելցած է:

Այս ընթացքով կարելի պիտի չըլլայ ձեռք բերել ՄԱԿ-ի 2030-ի օրակարգով սահմանուած պարէնային անվտանգութեան կայուն զարգացման նպատակը:

2019էն մինչեւ այսօր անօթութենէն տառապող մարդոց թիւը աւելցած է 150 միլիոնով, նաեւ Քովիտ-19 համավարակի հետեւանքներուն պատճառաւ։

Եթէ 2023-ին արմատական ներդրումներ չի կատարուին այդ ուղղութեամբ 45 միլիոն անձերու կեանքը վտանգուած պիտի ըլլայ սնունդի տագնապին պատճառաւ։

Ըստ աշխարհի մէջ անօթութեան ցուցանիշին, սովը ճգնաժամային համարուած է 9 երկիրներու մէջ, իսկ այլ 35 երկիրներու մէջ՝ ան ծանր ու մեծ տագնապ կը համարուի, մասնաւորապէս, Կենտրոնական Ափրիկէի հանրապետութեան, Չատի, Քոնկոյի Ժողովրդավարական ​​Հանրապետութեան, Մատակասկարի և Եմենի մէջ։

Սնունդի ճգնաժամին պատճառները

Վերջին տարիներուն սովի դէմ պայքարի առաջընթացը կանգ առած է՝ տարբեր համաշխարհային ճգնաժամերու պատճառաւ, որոնց շարքին, պատերազմները, կլիմայի փոփոխութիւնը, սննդամթերքի շուկայի գիներուն աճը և Covid-19 համաճարակը:

Կլիմայի փոփոխութիւնը, ըստ երևոյթին, առանցքային գործօն է պարէնային արտակարգ իրավիճակներուն մէջ: Ասիայի և Ափրիկէյի երկիրներուն մեծ մասը չունի անհրաժեշտ կենսամիջոցներ այդ փոփոխութիւնները դիմակայելու համար, եւ այդ երկիները կը տուժեն, տնտեսական անհաւասարութեան, աղքատութեան, ենթակառուցուածքներու պակասի, անբաւարար կառավարման և գիւղատնտեսութեան ցած արտադրողականութեան ծախսերուն բերումով:

Փաստօրէն, եղանակային իրադարձութիւններու պատճառով խոչընդոտուած են որոշ գործունութիւններ, ինչպիսիք են գիւղատնտեսութիւնը և ձկնորսութիւնը:

Պատերազմները աշխարհի մէջ անօթութեան ցուցանիշին վերելքի այլ մէկ առանցքային տարր են: Ուքրանական հակամարտութիւնը արդարեւ յառաջացուց սննդամթերքի, պարարտանիւթերու և վառելիքի գներու աճ, մեծ ազդեցութիւն ունենալով աշխարհի մէջ սովի տարածման վրայ, եւ որ լուրջ հետևանքներ պիտի ունենայ 2023 թուականէն յետոյ։