Ազրպէյճանը աւերած է Հադրութի շրջանի էայկական սուրբ Սարգիս եկեղեցին

Մարտի արբանեակային պատկերին մէջ եկեղեցին դժուար է տարբերել հողի մակերեսէն տանիքի բուսականութեան պատճառով: Բայց տանիքի ուրուագիծերը կ՝երեւին, իսկ շրջակայ գիւղը անձեռնմխելի է։

Ազրպէյճանցիները աւերած են Արցախի Հանրապետութեան Հադրութի շրջանի Մոխրենես գիւղի Սուրբ Սարգիս հայկական եկեղեցին (18-19դդ.), գիւղը նոյնպէս ենթարկուած է մեծ աւերածութիւններու։

Այս մասին, ըստ «ԵՐԿԻՐ»-ի, նշուած է Caucasus Heritage Watch-ի նոր զեկոյցին մէջ, որ հրապարակուած էր վերջերս։ Caucasus Heritage Watch-ը օգտագործած է արբանեակային պատկերներ՝ արձանագրելու հայկական մշակութային ժառանգութեան ճակատագիրը։ Սուրբ Սարգիսի աւերումը 2021 թուականին Արդարադատութեան միջազգային դատարանի միջանկեալ միջոցի, որ պարտաւորեցուցած էր Ազրպէյճանին «կանխելու եւ պատժելու հայկական մշակութային ժառանգութեան նկատմամբ վանտալութեան ու պղծման գործողութիւնները», առաջին խոշոր խախտումն է։