Ատրպէյճանի կազմին մէջ որեւէ կարգավիճակ անընդունելի է. Արցախի նախագահ
Արցախի Հանրապետութեան իշխանութիւններուն վերաբերմունքը տարբեր ձեւաչափերով ընթացող բանակցութիւններուն եւ քննարկումներուն մէջ Արցախի Հանրապետութեան ու Արցախի ժողովուրդի ճակատագրին վերաբերեալ հնչեցուող յայտարարութիւններին միանշանակ է եւ արտայայտուած է մի քանի անգամ նախագահին ու Ազգային ժողովին կողմէ:
Այս մասին ըսած է ԱՀ նախագահի մամուլի քարտուղար Լուսինէ Աւանեսեանը` աւելցնելով, որ կը փափաքի յիշեցնել 2021 թուականի Դեկտեմբերին նախագահ Յարութիւնեանի հրապարակած դրոյթներէն մի քանին`
1. Արցախահայութեան ինքնորոշման իրաւունքի լիարժէք ճանաչումը որեւէ վերապահման եւ զիջման ենթակայ չէ: Այդ հարցի բացառիկ տէրը Արցախի ժողովուրդն է:
2. Արցախի Հանրապետութեան անկախութեան միջազգային ճանաչումը իշխանութիւններուն ուղենիշը կը մնայ: Ատրպէյճանի կազմին մէջ որեւէ կարգավիճակ անընդունելի է:
3․ Ոչ միայն կարգավիճակի, այլեւ ժողովրդագրական առումով վերադարձը անցեալին անընդունելի է: Արցախի Հանրապետութիւնըունի իր տարածքային ամբողջականութիւնը վերականգնելու խնդիր:
ԱՀ նախագահի խօսնակին խօսքով` իր քաղաքականութիւնը Արցախի իշխանութիւնը կը կառուցէ ու կ'իրականացնէ Արցախի Հանրապետութեան անկախութեան հռչակագրին եւ Մայր օրէնքին համապատասխան` համագործակցելով բոլոր գործընկերներուն հետ:
Աղբիւրը` Արեւելք
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ