Արցախեան հարցը։ Խնդիրները լուծել առկայ ձեւաչափերով. Կութերեշ
ՄԱԿ-ի գլխաւոր քարտուղար Անթոնիօ Կութերեշ ողջունած է Լեռնային Ղարաբաղի հակամարտութեան կարգաւորման շուրջ Սոչիի մէջ Հայաստանի, Ատրպէյճանի եւ Ռուսաստանի եռակողմ հանդիպումը։
Կութերեշ ի գիտութիւն ընդունած է համատեղ յայտարարութիւնը եւ երախտագիտութեամբ նշած է Ռուսաստանի դերը Հայաստանի եւ Ատրպէյճանի միջեւ շարունակական շփումներու եւ երկխօսութեան դիւրացման գործին մէջ։
Կութերեշ ոգեւորուած է Հայաստանի եւ Ատրպէյճանի միջեւ ամենաբարձր մակարդակով ուղղակի փոխգործողութեան վերականգնմամբ եւ 2020-ի Նոյեմբեր 9-ի ու 2021-ի Յունուար 11-ի եռակողմ յայտարարութիւններու լիակատար իրականացման, ինչպէս նաեւ տարածաշրջանին մէջ կայունութեան մակարդակի բարձրացման ուղղուած քայլերու ձեռնարկման անոնց յանձնառութեան վերահաստատմամբ:
Կութերեշը վերահաստատած է ՄԱԿ-ի սկզբունքային դիրքորոշումը առ այն, որ տեւական խաղաղութիւնը կարելի է ձեռք բերել միայն երկխօսութեան միջոցով, եւ կողմերուն յորդորած է լուծել առկայ խնդիրները բոլոր առկայ ձեւաչափերու միջոցով, այդ շարքին՝ ԵԱՀԿ Մինսքի խումբի համանախագահներու հովանիին ներքոյ։
Միացեալ ազգերու կազմակերպութիւնը պատրաստ է աջակցելու բոլոր նման ջանքերուն, ընդ որում՝ մարդասիրական, վերականգնման եւ խաղաղութեան հաստատման աջակցութեան տրամադրման միջոցով, ըսուած է ՄԱԿ-ի գլխաւոր քարտուղար յայտարարութեան մէջ։
Աղբիւրը` Արեւելք
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
