Քապուլի օդակայանը դարձեալ կը գործէ։
Անցեալ ամսուան կիսուն Թալեպան արմատական շարժումի իշխանութեան տիրանալէն ի վեր առաջին առեւտրական թռիչքը` փաքիստանեան օդանաւ մը էջք կատարեց Քապուլի միջազգային օդակայանին մէջ: Այս մասին հաղորդեց ԱՖՓ լրատու գործակալութիւնը:
Փաքիստանեան օդանաւային ընկերութեան բանբերը շաբաթավերջին յայտարարած էր, որ ընկերութիւնը կը վերականգնէ իր առեւտրական կանոնաւոր թռիչքները, սակայն տակաւին կանուխ է ճշդելու երկու երկիրներու մայրաքաղաքներուն միջեւ թռիչքներու թիւը:
Աֆղանիստանի մայրաքաղաք Քապուլի օդակայանը ծանր վնասներ կրած է Թալեպան շարժումի իշխանութեան տիրանալէն ետք աւելի քան 120 հազար անձերու երկրէն հեռացման գործողութեան ընթացքին:
Աղբիւրը «Ազդակ»
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
