«Լեռնային Ղարաբաղի կարգաւորման շուրջ համաձայնութիւններըյՅաջողութեամբկԿ՛իրականացուին» Կ՛ըսէ Լաւրով
Ռուսիոյ արտաքին գործոց նախարար Սերկէյ Լաւրով կրթական մարաթոնի մասնակիցներուն հետ հանդիպումին ընթացքին արտասանած խօսքին մէջ ընդգծած է Ռուսիոյ եւ այդ երկրի նախագահ Վլատիմիր Փութինի ջանքերը 2020 թուականին Հարաւային Կովկասի մէջ պատերազմը դադրեցնելու գործին մէջ:
«Խօսելով անցեալ տարուան մասին` մենք չենք կրնար չխօսիլ մեր ջանքերուն, նախ եւ առաջ մեր նախագահի ջանքերուն մասին Հարաւային Կովկասի մէջ պատերազմական գործողութիւնները դադրեցնելու, Լեռնային Ղարաբաղի կարգաւորման շուրջ համաձայնութիւններու հասնելու հարցին մէջ: Անոնք հիմա յաջողութեամբ կը գործադրուին մեր նախարարութեան, պաշտպանութեան նախարարութեան մասնակցութեամբ, ինչպէս նաեւ մեր տնտեսական պլոքի մասնակցութեամբ, որ կ՛ապահովէ բանակցութիւնները այդ շրջանին մէջ բոլոր հաղորդակցութիւններու եւ տնտեսական կապերու ապաշրջափակման շուրջ», ըսած է Լաւրով:
Աղբիւրը՝ «Ազդակ»
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
