Հայաստանի մէջ «Քովիտ»ով վարակուածներու թիւը 508-ն է
Հայաստանի մէջ 20 Օգոստոսի դրութեամբ հաստատուած է «Քորոնա» ժահրով վարակման 508 նոր դէպք, վարակուածներու ընդհանուր թիւը հասած է 236 742 -ի:
Ինչպէս կը տեղեկացնէ ՀՀ ԱՆ հիւանդութիւններու վերահսկման եւ կանխարգելման ազգային կեդրոնը, մէկ օրուան մէջ «Քորոնա» ժահրի հետեւանքով մահացած է 7 քաղաքացի, մահացածներու թիւը 4732 է։
Անցած մէկ օրուան մէջ գրանցուած է «Քորոնա» ժահրով վարակուած հիւանդներու՝ այլ հիւանդութենէ մահուան 2 դէպք: 20 Օգոստոսի դրութեամբ մահուան այս դէպքերու թիւը 1143 է:
Մէկ օրուան մէջ առողջացածներու թիւը 293 է, ընդհանուր առողջացածներունը՝ 223 736, փաստացի բուժուողներունը՝ 7131: Մէկ օրուան մէջ կատարուած է 7864 քննութիւն, ընդհանուր առմամբ, առ այսօր կատարուած է 1 469 328 քննութիւն:
Աղբիւրը` «Արեւելք»
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ