Vatican News
Կարմիր Խաչ Կարմիր Խաչ  (AFP or licensors)

Կարմիր խաչի ներկայացուցիչները այցելած են Պաքու գտնուող Հայ գերիներուն

Կարմիր խաչի միջազգային կոմիտէն Ազրպէյճանի մէջ գտնուող հայ գերիներուն վերաբերեալ վիճակագրական տուեալ չի հրապարակեր:

Կարմիր խաչի միջազգային կոմիտէի ներկայացուցիչները Պաքուի մէջ այցելած են գերեվարուած հայ անձերու: Հայաստանի մէջ կառոյցի հաղորդակցութեան ծրագիրներու ղեկավար Զառա Ամատունի «Լուրեր»-ուն յայտնած է, որ իբրեւ չէզոք միջնորդ, իրենք կը շարունակեն պարբերական այցելութիւնները Ազրպէյճանի մէջ պահուող հայ պատերազմական գերիներուն եւ քաղաքայիններուն: Այս մասին կը հաղորդէ «Սփութնիք Արմենիա»-ն:

Ունկնդրէ լուրը

Կարմիր խաչի միջազգային կոմիտէն Ազրպէյճանի մէջ գտնուող հայ գերիներուն վերաբերեալ վիճակագրական տուեալ չի հրապարակեր: 3 յուլիսին 15 հայ գերիներու վերադարձէն ետք Ազրպէյճան այժմ կը հաստատէ 45 անձերու գերութեան փաստը:

Զառա Ամատունիի համաձայն, Կարմիր խաչի միջազգային կոմիտէի ներկայացուցիչներու հերթական այցելութիւնը տեղի ունեցած է յունիսի վերջաւորութեան, յուլիսի սկիզբը:

«Սփութնիք Արմենիա» կը գրէ, որ յատկանշական է, որ Կարմիր խաչի ներկայացուցիչները այցելած են այն անձերուն, որոնց գերեվարումը Ազրպէյճանի իշխանութիւնը պաշտօնապէս հաստատած է: Այս այցելութիւններուն ծիրին մէջ եւս կարելիութիւն ընձեռուած է բոլոր գերեվարուած հայերուն տեսաուղերձներ ձայնագրելու իրենց ընտանիքներուն համար, ինչպէս նաեւ կատարելու հեռաձայնային հաղորդակցութիւններ, օգտուելու նաեւ նամակներ գրելու կարելիութենէն:

Քաղուած «Ազդակ»էն

16/07/2021, 09:30