Թուրքերը պղծած են Պոլսոյ սուրբ Թագաւոր Հայկական եկեղեցին
Թուրքերը պղծած են Պոլսոյ Ս. Թագաւոր հայկական եկեղեցին: Ընկերային ցանցերուն վրայ տեղադրուած է Պոլսոյ հայկական Ս. Թագաւոր եկեղեցւոյ պղծման տեսանիւթ: Նկարներուն եւ տեսագրուած ժապաւէնին մէջ կ՛երեւի, թէ ինչպէ՛ս ոտնձգութիւն կատարողները բարձրացած են Պոլսոյ Գատըգիւղ շրջանի Ս. Թագաւոր եկեղեցւոյ մայր դրան վրայ գտնուող հարթակին ու պար բռնած հոն, ուր տեղադրուած է խաչը:
Թուրքիոյ խորհրդարանի հայ երեսփոխան Կարօ Փայլան դատապարտած է այս արարքը: «Թուրքիոյ ներքին գործոց նախարարութիւնը պէտք է անյապաղ հետաքննութիւն սկսի այնտեղ մնայուն ծառայութիւն իրականացնող ոստիկաններուն նկատմամբ», գրած է ան:
Արարքը դատապարտումի մեծ ալիք ստեղծած է մանաւանդ «Թուիթըր»-ի վրայ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ