Ֆլորիտայի մէջ 12 յարկանի շէնք մը փուլ եկաւ

Միացեալ Նահանգներու Ֆլորիտա նահանգի Սերֆսայտ քաղաքին մէջ 12 յարկանի բնակելի շէնք մը փուլ եկած է, որուն պատճառով մահացած է առնուազն 1 մարդ, 99 անձերու ճակատագիրը կը մնայ անյայտ, իսկ 35 ուրիշներ դուրս բերուած են փլատակներուն տակէն: Այս մասին կը հաղորդէ «Պի.Պի.Սի»-ն:

«Մենք պատրաստ ենք վատ լուրերու` հաշուի առնելով աւերածութիւններուն ծաւալը», ըսած է Ֆլորիտայի նահանգապետ Ռոն Տեսանթիս եւ աւելցուցած, որ իր կարծիքով, Արտակարգ իրավիճակներու ծառայութեան արագ արձագանգը բազմաթիւ կեանքեր փրկած է:

Յայտնի չէ, թէ շէնքի փլուզման ժամանակ շէնքին մէջ քանի՛ մարդ եղած է, ինչպէս նաեւ, թէ փլուզման պատճառները ի՛նչ են:

1980 թուականին կառուցուած շէնքին փլուզման պատճառով անյայտ կը մնայ ճակատագիրը նաեւ խումբ մը լատին ամերիկացի ներգաղթեալներու, որոնց շարքին` Փարակուէյի առաջին տիկնոջ հարազատներուն ճակատագիրը:

Միացեալ Նահանգներու նախագահ Ճօ Պայտըն Ֆլորիտա նահանգին մէջ արտակարգ դրութիւն հաստատելու հրամանագիր ստորագրեց:

Քաղուած «Ազդակ»էն