Լաւրով ՄԱԿ-ի յանձնակատարին հետ քննարկած է տեղահանուածները Արցախ վերադարձնելու հարցը
Ռուսիոյ արտաքին գործոց նախարար Սերկէյ Լաւրով ՄԱԿ-ի գաղթականներու հարցերով գլխաւոր յանձնակատար Ֆիլիփփօ Կրանտիի հետ այլ հարցերու կողքին քննարկած է նաեւ տեղահանուածներու Արցախ վերադարձի հարցը: Այս մասին կը հաղորդէ ԹԱՍՍ լրատու գործակալութիւնը:
«Քննարկուած են Ռուսիոյ, Ազրպէյճանի եւ Հայաստանի ղեկավարներու 9 նոյեմբեր 2020-ի եռակողմ յայտարարութեան համապատասխան գաղթականներու եւ ժամանակաւորապէս տեղահանուած անձերու Լեռնային Ղարաբաղ եւ յարակից շրջաններ վերադարձի հարցը», նշուած է Ռուսիոյ արտաքին գործոց նախարարութեան հրապարակած հաղորդագրութեան մէջ:
Լաւրով, ըստ Ռուսիոյ արտաքին գործոց նախարարութեան հաղորդագրութեան, ՄԱԿ-ի պաշտօնատարին ուշադրութիւնը հրաւիրած է սուրիացի գաղթականներու` իրենց հայրենիք վերադարձի ուղղութեամբ միջազգային ջանքերը աշխուժացնելու անհրաժեշտութեան:
Քաղուած «Ազդակ» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ