ԵՄ-ն ուշադրութեամբ հետևում է Հայաստանի և Ադրբեջանի սահմանագծում տեղի ունեցող իրադարձութիւններին. Բորել
Եւրոմիութիւնը ուշադրութեամբ հետևում է Հայաստանի և Ադրբեջանի սահմանագծում տեղի ունեցող իրադարձութիւններին: Այդ մասին ասուած է Եւրոմիութեան արտաքին գործերու և անվտանգութեան քաղաքականութեան հարցերով բարձր ներկայացուցիչ Ժոզեֆ Բորելի յայտարարութեան մէջ:
«Եւրոպական արտաքին քաղաքական ծառայութեան գլխաւոր քարտուղար Ստեֆանո Սաննինոն իմ անունից հինգշաբթի զրուցել է Հայաստանի արտաքին գործերու նախարար Արա Այվազյանի, իսկ ուրբաթ՝ Ադրբեջանի ԱԳ նախարար Ջեյհուն Բայրամովի հետ, կոչ անելով երկու կողմերին ցուցաբերել առաւելագոյն զսպուածութիւն և նուազեցնել իրավիճակի էսկալացիան»,- ասուած է Բորելի յայտարարութեան մէջ:
Դրանում ընդգծւում է, որ ԵՄ յատուկ ներկայացուցիչ Տոյվո Կլաարը կապ է պահպանում ԵԱՀԿ գործող նախագահութեան հետ:
«Սահմանների դելիմիտացիան և դեմարկացիան որոշւում է բանակցութիւնների միջոցով՝ տեղի բնակչութեան անվտանգութեան շահերից ելնելով: Մենք ողջունում ենք երկու երկրների միջև տեխնիկական մակարդակով շարունակուող շփումները»,- ասել է ԵՄ բարձր ներկայացուցիչը:
ԵՄ-ն շարունակում է աջակցել հակամարտութեան համապարփակ կարգաւորմանը և խրախուսում երկու երկրներին գտնել խաղաղ լուծում` տարածաշրջանում կայունութեան պահպանման նպատակով:
Քաղուած «Արմենփրէս»էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
