Որոնել

Vatican News
Ռայի Պատրիարքը Ռայի Պատրիարքը  

Ռայի Պատրիարքը իր այցելուներուն հետ քննարկեց Լիբանանեան իրադարձութիւնները

Ռայի պատրիարքին այցելեց նաեւ հանրապետութեան նախկին նախագահ Ամին Ժեմայէլ, որ հանդիպումին աւարտին յայտնեց, թէ լիբանանեան բանակի հրամանատարին երէկուան յայտարարութիւնները կ՛ամբողջացնեն Ռայի պատրիարքին խօսքերն ու յայտարարութիւնները:

Մարոնի համայնքի Պշարա Ռայի պատրիարքը երէկ Պքերքէի մէջ ընդունեց Ընդհանուր ապահովութեան ընդհանուր տնօրէն հազարապետ-զօրավար Ապպաս Իպրահիմը, որուն հետ քննարկեց լիբանանեան իրադարձութիւնները:

Ռայի պատրիարքին այցելեց նաեւ հանրապետութեան նախկին նախագահ Ամին Ժեմայէլ, որ հանդիպումին աւարտին յայտնեց, թէ լիբանանեան բանակի հրամանատարին երէկուան յայտարարութիւնները կ՛ամբողջացնեն Ռայի պատրիարքին խօսքերն ու յայտարարութիւնները:

«Լիբանանեան բանակի հրամանատարին յայտարարութիւնը խղճի ճիչ մըն էր, եւ մենք կը զօրակցինք անոր` լիբանանեան միասնականութեան պահպանումին առումով», շեշտեց Ժեմայէլ:

Ան նկատել տուաւ, որ իրենց համար յստակ է լիբանանեան բանակին ի գործ դրած հսկայ զոհողութիւնները` պահպանելու համար Լիբանանը, եւ բանակի հրամանատարին մօտ կարելի է շօշափել բանակին հանդէպ անոր մտավախութիւնը: «Կը մաղթեմ, որ լիբանանցի պատասխանատուները արթննան եւ սթափին բանակի հրամանատարին արտասանած վտանգաւոր եւ իրաւացի խօսքերէն», ըսաւ ան:

Ժեմայէլ հաստատեց նաեւ, որ Ռայի պատրիարքին պահանջած միջազգային խորհրդաժողովը Լիբանանին նոր հոգատարութիւն ապահովելու շրջագիծին մէջ չ՛իյնար:

Պքերքէի այցելուներէն եղան նաեւ երեսփոխաններ Թոնի Ֆրենժիէ եւ Ֆարիտ Հայքալ Խազեն:

Քաղուած «Ազդակ» էն

10/03/2021, 07:58