Vatican News
Ջուր Ջուր 

«2030 թուականին աշխարհը պիտի բախի ջուրի համաշխարհային 40 առ հարիւր բացի» կ՛ըսէ Եունեսքօ

«Ջուրը մեր ամէնէն արժէքաւոր հարստութիւնն է` «երկնագոյն ոսկին», որուն աւելի քան 2 միլիառ մարդ հասանելիութիւն չունի:

Ջրային հարստութիւններու պահպանման համար աշխարհը բաւարար ջանքեր չի գործադրեր, եւ այժմ այդ հարցին ճիշդ գնահատումը աւելի քան կարեւոր դարձած է: Այս մասին կը նշուի ԵՈՒՆԵՍՔՕ-ի տարեկան զեկուցումին մէջ, որ հրապարակուած է ջրային հարստութիւններու համաշխարհային օրուան առիթով:

Ունկնդրէ լուրը

«Ջուրը մեր ամէնէն արժէքաւոր հարստութիւնն է` «երկնագոյն ոսկին», որուն աւելի քան 2 միլիառ մարդ հասանելիութիւն չունի: Անիկա ո՛չ միայն անհրաժեշտ է գոյատեւման համար, այլ նաեւ առողջապահական, ընկերային եւ մշակութային դեր կը խաղայ մարդկային հասարակութիւններուն մէջ», յայտարարած է ԵՈՒՆԵՍՔՕ-ի ընդհանուր տնօրէն Օտրէ Ազուլէ:

Այս խնդիրը մանրամասնօրէն կը բացայայտուի 200 էջնոց զեկուցումին մէջ, որուն հեղինակները կ՛ընդգծեն, որ ջուրի արժէքը պէտք է չափել` մեկնելով ո՛չ միայն ատոր շուկայական գինէն, այլ նաեւ այն օգուտներէն, որոնք կրնան բերել ատոր բաշխումը: Նոյն ատեն անոնք կ՛ընդունին, որ առայժմ չկայ ընդհանուր ճանաչում ունեցող բնորդ, որ թոյլ պիտի տար նման գնահատական տալ:

Զեկուցումին մէջ անկախ գիտնականները կը պնդեն. «2030 թուականին աշխարհը պիտի բախի ջուրի 40 առ հարիւրի համաշխարհային բացի հետ», եւ կացութիւնը պիտի խորանայ այլ համաշխարհային խնդիրներու, ներառեալ համաճարակի հետեւանքներու պատճառով:

Զեկուցումի հեղինակները կ՛ընդգծեն, որ ներկայիս առողջապահական ճգնաժամի լոյսին տակ մարմնի մաքրութեան պահանջներու բաւարարման համար երկրի բնակիչները ջուրով ապահովելու խնդիրը դարձած է առաւել քան արդիական:

Քաղուած «Ազդակ»էն

23/03/2021, 08:57