Եէմէն. Միլիոնաւոր երեխաներ կրնան սովի մատնուիլ։
Եէմէնի մէջ 2021-ին 2.3 միլիոն երեխայ սովի մատնուած պիտի ըլլայ: Այս մասին կը յայտնէ «Ռիա Նովոստի»-ն՝ յղում տալով ՄԱԿ-ի ընդհանուր քարտուղարի բանբեր Սթեֆան Տիւժարիքի յայտարարութեան:
Նշուած է, որ 3.4 միլիառ տոլար արժողութեամբ մարդասիրական օգնութեան ծրագիրը ֆինանսաւորուած է ընդամէնը 1.9 միլիառի չափով:
«Այժմ Եէմէնի մասին: Ըստ նոր զեկոյցի՝ այս տարի կը կանխատեսուի, որ մինչեւ հինգ տարեկան գրեթէ 2.3 միլիոն երեխայ տառապին ծանր թերսնուցումէ: Անոնցմէ 400 000-ը կրնան տառապիլ ծանր սովէ եւ մահանալ, եթէ շտապ բուժում չստանան», -ըսած է Տիւժարիքը ճեպազրոյցի ժամանակ:
Ան նշած է, որ զեկոյցը համատեղ պատրաստած են ՄԱԿ-ի Պարենի եւ գիւղատնտեսութեան կազմակերպութիւնը, ԵՈւՆԻՍԵՖ-ը, Պարենի համաշխարհային ծրագիրը եւ ԱՀԿ-ն:
Տիւժարիք աւելցուցած է, որ ՄԱԿ-ի կառոյցները կը նախազգուշացնեն, որ ասոնք թերսնման ամենաբարձր ցուցանիշներն են, որոնք գրանցուած են 2015-ին Եէմէնի մէջ հակամարտութեան սրացումէն ի վեր:
Քաղուած «Արեւելք» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ