Քոնիա նահանգի Սուրբ Երրորդութիւն եկեղեցին «ծիծաղի տուն» պիտի դառնայ
Թուրքիոյ իշխանութիւններու որոշմամբ՝ հարաւ-կեդրոնական Քոնիա նահանգին մէջ գտնուող եւ վերջերս վերանորոգուած հայկական Սուրբ Երրորդութիւն եկեղեցին պիտի վերածուի մշակութային կեդրոնի, կը յայտնէ «Ակօս» թերթը:
19-րդ դարու շէնքը փակ էր երկրպագութեան եւ այցելուներու համար, սակայն վերականգնման նախագիծի աւարտէն ետք այն պիտի բացուի որպէս «Ծիծաղի համաշխարհային վարպետներու տուն»: Ծիծաղի կեդրոնի բացուելու յստակ ամսաթիւը յայտնի չէ:
Վերանորոգման ծրագիրն իրականացուած է Աքշեհիրի քաղաքապետարանի եւ Քոնիայի տարածաշրջանային զարգացման ծրագրի վարչութեան (KOP) կողմից. ընդհանուր արժէքը կազմած է 3.5 միլիոն թրքական լիրա:
Այս տարի սա վերջին եւ 6-րդ քրիստոնէական յուշարձանն է, որ կը վերափոխուի զբօսաշրջութեան վայրի կամ մզկիթի: Աւելի վաղ վերափոխման ենթարկուած էին բիւզանդական չորս եկեղեցի եւ Պոլսոյ Սուրբ Սոֆիա տաճարը:
Քաղուած «Արեւելք» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ