Նիսի մէջ ահաբեկչական յարձակում. Ֆրանսացի իրաւապահները ձերբակալած են ահաբեկիչը
29 հոկտեմբերին դանակով զինուած տղամարդ մը Նիսի կեդրոնին մէջ յարձակած է Նոթր Տամ եկեղեցւոյ ծխականներուն վրայ: Դէպքին պատճառով զոհուած է երեք հոգի: Յարձակողը ձերբակալուած է: Յարձակումի հետաքննութեան միացած է Ֆրանսայի Ազգային հակաահաբեկչական դատախազութիւնը: Ինչպէս յայտնած է Ֆրանսայի Ազգային ժողովի երեսփոխան Էրիք Չիոթին, յարձակում գործող ահաբեկիչը ծագումով թունուզցի է:
Նիսի մէջ կատարուած ահաբեկչական գործողութեան հետաքննութեան ծիրին մէջ Ֆրանսացի իրաւապահները ձերբակալած են նաեւ 47-ամեայ տղամարդ մը:
Նիսի յարձակումէն երկու ժամ ետք այլ ահաբեկիչ մը Ավինիոնի փողոցներուն մէջ դանակով սպառնացած է անցորդներուն եւ գնդակահարուած ոստիկանութեան կողմէ, երբ յարձակումի փորձ կը կատարէր:
Քաղուած «Ազդակ»էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
