Աթէնք կը սպառնայ ուժի դիմել, եթէ Թուրքիա չհեռանայ յունական կղզիներուն մօտէն Աթէնք կը սպառնայ ուժի դիմել, եթէ Թուրքիա չհեռանայ յունական կղզիներուն մօտէն 

Աթէնք կը սպառնայ ուժի դիմել, եթէ Թուրքիա չհեռանայ յունական կղզիներուն մօտէն

Թուրքիա այս ամսուան սկիզբը հոն ղրկած էր հետախուզական նաւ մը, երկու երկիրները դարձեալ դնելով պատերազմի հաւանականութեան առջեւ:

ԱԹԷՆՔ, «Ամերիկայի Ձայն».- Յունաստանի ծովային ուժերը տագնապի նարնջագոյն մակարդակ յայտարարեցին 21 Հոկտեմբերին, Եգէական ծովուն մէջ շարք մը կղզեակներու նկատմամբ Թուրքիոյ կողմէ թշնամական գործողութիւններուն դէմ դնելու նպատակով:

Յունաստանի զինուած ուժերէն պաշտօնատարներ «Ամերիկայի Ձայն»ին տեղեկացուցին, որ յունական ռազմական նաւերը շրջափակած են Քասթելորիզօ կղզին եւ անոնց յարակից անմարդաբնակ շարք մը կղզիակներ, պաշտպանելու համար յունական պատկանելութեան տակ գտնուող այս տարածքները:

Թուրքիա այս ամսուան սկիզբը հոն ղրկած էր հետախուզական նաւ մը, երկու երկիրները դարձեալ դնելով պատերազմի հաւանականութեան առջեւ:

Ամերիկա եւ Եւրոպական Միութեան պաշտօնատարներ այդ օրերէն ի վեր կը փորձեն երկու կողմերը բերել բանակցութիւններու սեղանին շուրջ: Թրքական հետախուզական նաւը ներկայիս կը գտնուի Կաստելորիզօ կղզիէն միայն 14 քիլոմեթր հեռաւորութեան վրայ: Նաւը, որ ըստ թրքական կողմին, կ՛իրականացնէ հետազօտական աշխատանքներ, կը գործէ թրքական ռազմանաւերու եւ սուզանաւերու հսկողութեան տակ:

Այժմ շրջանին մէջ կը գտնուին յունական առաւել քան 60 նաւեր:

Անգարա կը պնդէ, որ այս տարածքը կը գտնուի կազի եւ քարիւղի պաշարներու հետազօտութիւններ կատարելու՝ իր կողմէ սահմանագծուած իրաւասութեան ծիրին մէջ:

Յունաստանի կառավարութեան բարձրաստիճան պաշտօնատարները կը նախազգուշացնեն, որ Յունաստանի ինքնիշխանութեան որեւէ ոտնահարում պիտի արժանանայ ռազմական ուժերու կողմէ պատասխանի:

ՆԱԹՕի երկու դաշնակիցներուն միջեւ երկար ժամանակէ ի վեր կը շարունակուին բնական պաշարներու եւ ծովային տարածքներու պատկանելութեան շուրջ տարակարծնութիւնները:

Աթէնք ներկայիս կը փորձէ համոզել Եւրոպական Միութիւնը, որ դադրեցնէ զէնքերու վաճառքը Թուրքիոյ եւ այլ պատժամիջոցներ կիրառէ անոր դէմ, սակայն Գերմանիա եւ քանի մը այլ երկիրներ ցարդ կ՛ընդդիմանան:

Քաղուած «Ասպարէզ» էն

Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ

23/10/2020, 06:15