Հայաստանը դատապարտում է ահաբեկչութիւնն իր բոլոր դրսևորումներով.
29 հոկտեմբերին, , Վարչապետ Նիկոլ Փաշինեանը ցաւակցական հեռագիր է յղել Ֆրանսիայի նախագահ Էմանուել Մաքրոնին Նիսում տեղի ունեցած ահաբեկչական յարձակման կապակցութեամբ: Ինչպես «Արմենպրես»ին տեղեկացրին Հայաստանի Հանրապետութեան վարչապետի աշխատակազմի հասարակայնութեան հետ կապերի վարչութիւնից, վարչապետի ուղերձում, մասնաւորապէս, ասուած է.
«Մեծարգոյ պարոն նախագահ,
Ցնցուած եմ Նիս քաղաքում կատարուած զարհուրելի յանցագործութեամբ: Հայաստանը դատապարտում է ահաբեկչութիւնն իր բոլոր ձևերով և դրսևորումներով: Մեզ համար աւելի քան ակնյայտ է, որ ծայրայեղականութիւնն ու ֆանատիզմը չունեն որևէ արդարացում և բարոյական հիմնաւորում:
Հայաստանի ժողովուրդը կիսում է Ֆրանսիայի եղբայրական ժողովրդի ցաւն ու ցասումը և իր անկեղծ ցաւակցութիւններն ու սփոփանքի խօսքերը յայտնում զոհուածների հարազատներին և մտերիմներին»:
Քաղուած «Արմենպրեսս»էն։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ