Հայաստանը երրորդ թռիչքով Պէյրութ ուղարկած է աւելի քան 12 թոն մարդասիրական աջակցութիւն
Հայաստանի Հանրապետութեան կառավարութիւնը երէկ` 11 օգոստոսին մարդասիրական աջակցութեան պարագաներով լեցուն երրորդ օդանաւը ուղարկած է Լիբանանի Հանրապետութեան կառավարութեան: «Արմէնփրես» կը տեղեկացնէ, որ այս անգամ ուղարկուող մարդասիրական օգնութիւնը աւելի քան 12 թոն է:
Նշենք, որ Հայաստանէն առաջին թռիչքը եղած է 8 օգոստոսին, երկրորդը` 9 օգոստոսին` Արցախի ժողովուրդին անունով: Օդանաւերը Լիբանան տեղափոխած են մարդասիրական օգնութիւն, որ պարունակած է դեղորայք եւ բժշկական պարագաներ` նախատեսուած 4 օգոստոսին Պեյրութի նաւահանգիստին մէջ տեղի ունեցած պայթումէն տուժածներուն օգնութիւն ցոյց տալու համար:
Երրորդ օդանաւով ուղարկուած է սնունդ, դեղորայք եւ հագուստեղէն:
Քաղուած «Ազդակ» էն։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ