Քովիտ19 ժահրէն վարակուողներուն թիւը գերազանցեց 18 միլիոնը։

Վատիկան Նիուզ

Աշխարհի մէջ Քովիտ19 ժահրէն վարակուածներուն թիւը գերազանցեց 18 միլիոնը։  Թիւը օրէ օր կ՛աճի առօրեայ 300.000 նոր պարագաներով։ Վարակուածներուն ամենաբարձր թիւը արձանագրուած է Միացեալ Նահանգներուն ու Պրազիլի մէջ մինչ Առողջապահութեան Միջազգային կազմակերպութիւնը կը հաստատէ թէ առողջապահական արտակարգ դրութիւնը տակաւին չէ դադրած ու թէ համաճարակը տակաւին կը շարունակէ տարածուիլ ու պիտի շարունակէ երկար ժամանակ։

Ինչ կը հայի Հայաստանին՝  օգոստոսի 3-ի դրութեամբ հաստատուած են  վարակման 52 նոր դէպք, եւ այսպէսով վարակուածներու ընդհանուր թիւը հասած  է 39.102-ի: