Հիրոշիմայի եւ նակազաքիի հիւլէական ռմբակոծութեան 75 ամեակը

Վազգէն Աբարդեան  - Վատիկան

75 տարի անցաւ երբ՝ 6 օգոստոս 1945-ին Հիրոշիմայի մէջ պայթեցաւ հիւլէական ռումբը:
Հիրոշիմայի վրայ նետուած հիւլէական ռումբի պայթումին պատճառով մէկ օրուան մէջ, տարբեր գնահատականներով, զոհուած է 70-100 հազար մարդ:

1949-ի վերջաւորութեան զոհերուն թիւը հասաւ շուրջ 140 հազարի, որովհետեւ ստացած վէրքերէն եւ ճառագայթահարումէն հիւանդանոցներուն մէջ մահացան տասնեակ հազարաւոր մարդիկ:
Ճափոնի եւ համայն աշխարհի մէջ  ամէն տարին կը յարգուի Հիրոշիմայի եւ Նակազաքիի հիւլէական ռմբակոծութեան զոհերու յիշատակը:

Ճափոնի եպիսկոպոսներուն համահաւաք դասի նախաձեռնութեամբ ամէն տարի  6էն - 15 օգոստոսին,  
տեղի կ՝ունենայ «տաս օր խաղաղութեան ի սպաս» ձեռնարկը, որուն առթիւ կը հրապարակուի  եպիսկոպոսներու պատգամը։  

Հիրշոմայի հիլէական ռմբակոծութեան 75-րդ ամեակի առթիւ, սուրբ Պատարագ կը մատուցուի Հիրոմիային մայր տաճարին մէջ , նուիրուած ռմբակոծութեան եւ պատերազմներուն թիրախ զոհերուն յիշատակին, ինչպէս նաեւ տեղի կ՝ունենայ աղօթք աշխարհի խաղաղութեան դիտաւորութեան։

Յիշենք թէ 23-26 նոյեմբեր 2019ին, Ֆրանչիսկոս Պապին Ճափոն կատարած առաքելական ճամբորդութեան նշանաբանը եղաւ «Պաշտպանել իւրաքանչիւր կեանք։

Նորին Սրբութիւնը , Հիւլէական ռումբի զոհերու նուիրուած յուշահամալիրին մէջ կոչ ըրաւ ըսելով «ոչ երբեք պատերազմ ոչ երբեք ռումբերու ահեղ ձայներ,  եւ ոչ երբեք տառապանք»։