Սուրիոյ Խորհրդարանին մաս կը կազմեն երեք հայ Երեսփոխաններ
Սուրիոյ խորհրդարանական օրէնսդրական 3-րդ շրջանի ընտրութիւններու Կեդրոնական ընտրական յանձնախումբը կիրակի, 19 յուլիս 2020-ի գիշերը փակ յայտարարեց քուէարկութեան տուփերը: Երկուշաբթի առաւօտեան ժամը 7:00-էն երեկոյեան ժամը 7:00 կարգ մը նահանգներու ընտրական որոշ կեդրոններու մէջ կրկնուեցաւ ընտրութիւնը:
Երեքշաբթի, 21 յուլիսի առաւօտեան Ընտրական կեդրոնական յանձնախումբը պիտի յայտարարէ ընտրութիւններուն վերջնական արդիւնքը:
Ըստ նախնական տուեալներու, ընտրութիւններուն արդիւնքով Սուրիոյ խորհրդարանին մաս կը կազմեն երեք հայ երեսփոխաններ` Հալէպէն Ժիրայր Րէիսեան եւ իրաւաբան Լիւսի Իսկէնեան, Դամասկոսէն` դոկտ. Նորա Արիսեան:
Քաղուած «Ազդակ» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ