Հայաստանի օդանաւային ընկերութիւնները՝ Եւրոպական Միութեան «Սեւ ցանկ»ին վրայ
ԵՐԵՒԱՆ, «Սիվիլնեթ».- 2 Յունիսին, Եւրոպական Միութեան գործադիր մարմինը` Եւրոպայի յանձնաժողովը հրապարակեց օդանաւային ընկերութիւններու եւ այս բնագաւառին թարմացուած «Սեւ ցանկ»ը, որուն մէջ ներառուած է նաեւ Հայաստանը` իր բոլոր օդանաւային փոխադրող ընկերութիւններով։ Այսպիսով, այդ ընկերութիւններուն կ՛արգիլուի թռիչք կատարել Եւրոպական Միութեան տարածքին վրայ, որովհետեւ անոնք չեն համապատասխաներ անվտանգութեան միջազգային չափանիշներուն:
Կացութիւնը այդպէս պիտի մնայ, մինչեւ անվտանգութեան հնարաւորութիւններու նոր գնահատման կատարումը: Այս որոշումը տրուած է Հայաստանի քաղաքացիական օդանաւորութեան եւ վեց հայկական փոխադրողներու հետ տեղի ունեցած լսումներէն ետք։
Քաղուած «Ասպարէզ» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ