«Հին Գիւմրի»-ն նամականիշերու «Եւրոպա» ամենամեայ մրցոյթին ներկայացուած է։
«Հին Գիւմրի» նամականիշը ներկայացուած է «Հնագոյն փոստային երթուղիներ» թեմայով նամականիշերու «Եւրոպա» ամենամեայ մրցոյթին, որ արդէն սկսած է:
Այս մասին ԵՌԱԳՈՅՆ-ը կը տեղեկանայ «Հայփոստ» ՓԲԸ-ի տեղեկատւութեան բաժինէն։
Այս տարի Հայաստանը կը մասնակցի փոստային նամականիշով, ուր պատկերուած է հին Գիւմրին, որ իր բազմաթիւ երթուղիներով 19-րդ դարուն կը հանդիսանար Հայաստանի առաջին մշակութային եւ քաղաքական կեդրոնը: Նամականիշի ձեւաւորման հեղինակն է «Հայփոստ» ՓԲԸ-ի ձեւաւորող Դաւիթ Տովլաթեան:
«Հին Գիւմրի» նամականիշի օգտին քուէարկելու համար անհրաժեշտ է այցելել մրցոյթի կայք: Քուէարկութիւնը պիտի իրականացուի մինչեւ այս տարուան Սեպտեմբեր 9:
Քաղուած Եռագոյնէն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
