Սահակ Բ. Պատրիարքի գահակալութիւնը Շաբաթ օր
8 դեկտեմբերին տեղի ունեցաւ Պատրիարքական ընտրութիւններու առաջին փուլը: Պատգամաւորները ճշդուեցան ժողովուրդին ձայներով: Իսկ 11 դեկտեմբերին պատգամաւորներու ժողովը յայտարարեց Թուրքիոյ հայոց նորընտիր 85-րդ պատրիարքը:
Այս շաբաթավերջին` շաբաթ, 11 յունուարին կը կայանայ Սահակ Բ. պատրիարքի գահակալութիւնը: Այս յատուկ արարողութեան համար Պոլիս պիտի գտնուին բազմաթիւ բարձրաստիճան հիւրեր, որոնց կարգին` Ամենայն Հայոց Գարեգին Բ. կաթողիկոսին ներկայացուցիչները, Մեծի Տանն Կիլիկիոյ Արամ Ա. կաթողիկոսին ներկայացուցիչները, Երուսաղէմի պատրիարքարանի ներկայացուցիչը, Հռոմի պապը ներկայացնող կարտինալ մը եւ Պոլսոյ բոլոր յարանուանութիւններու առաջնորդները` գլխաւորութեամբ Ուղղափառ եկեղեցւոյ տիեզերական պատրիարք Բարթողիմէոս սրբազանին:
Կ՛ակնկալուի, որ Ամենայն հայոց կաթողիկոսը այս առիթով արքեպիսկոպոսի կոչում շնորհէ նորընտիր պատրիարքին:
Քաղուած Ազդակէն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ