Կեսարիոյ Ս. Աստուածածին եկեղեցին գրադարանի վերածուեցաւ։
1800-ականներուն կառուցուած եկեղեցին Հայոց Ցեղասպանութենէն ետք ծառայած էր իբրեւ ոստիկանական բաժին եւ մարզասրահ
Կեսարիոյ քաղաքապետարանին նախաձեռնած վերանորոգութեան աշխատանքներէն ետք, Կեսարիոյ Ս. Աստուածածին հայկական եկեղեցին իբրեւ գրադարան վերաբացուեցաւ Յունուար 15-ին։
Յիշեցնենք, որ 1800-ականներուն կառուցուած եկեղեցին Հայոց Ցեղասպանութենէն ետք ծառայած էր իբրեւ ոստիկանական բաժին եւ մարզասրահ:
Նախապէս եկեղեցին իրենց յանձնելու խնդրանքով իշխանութեանց դիմած էր Կեսարիոյ բողոքական համայնքը, հոն իրենց կրօնական արարողութիւնները կատարելու համար, նկատի ունենալով, որ համայնքը աղօթատեղի չունի: Սակայն, այդ դիմումը մերժուած էր:
Քաղուած «Եռագոյն» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
23/01/2020, 09:22