Հայաստան ներառուած է Freedom House-ի` ազատ համացանց ունեցող երկիրներու ցանկին մէջ
Freedom House միջազգային իրաւապաշտպան կազմակերպութիւնը հրապարակած է 2019-ին համացանցի ազատութեան առումով վարկանշային ցանկը:
«Հայաստանի մէջ կը շարունակուին 2018-ի Թաւշեայ յեղափոխութեան արդիւնքով յառաջացած դրական փոփոխութիւնները: ՀՀ վարչապետ Նիկոլ Փաշինեան գլխաւորած է բովանդակութեան սահմանափակումներու եւ օգտատէրերու իրաւուքներու խախտումներու նուազեցման ուղղուած գործողութիւնները… Թուային լրատուամիջոցները տնտեսական եւ քաղաքական ճնշումներէն մեծ ազատութիւն ստացած են»,- կ՛ըսուի կազմակերպութեան զեկոյցին մէջ:
Համացանցային տիրոյթի ազատութեան ցուցանիշով Հայաստանը 8-րդն է եւ առաջ անցած է այնպիսի երկիրներէ, ինչպիսիք են Ճափոնը եւ Հարաւային Քորէան:
Հարեւան Վրաստանը 1 կէտ պակաս հաւաքած է եւ նոյնպէս ներառուած է ազատ համացանցային տիրոյթ ունեցող երկիրներու ցանկին մէջ:
Ատրպէյճանը եւ Թուրքիան ընդգրկուած են անազատ համացանցային տիրոյթ ունեցող երկիրներու ցանկին մէջ եւ համապատասխանաբար 39 եւ 37 կէտ ստացած են:
Քաղուած «Եռագոյն» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
