ՄԱԿ. միլիոնաւոր մարդոց ծայրայեղ աղքատութիւնը անընդունելի է:
Ռոպէր Աթթարեան - Վատիկան
Աշխարհի մէջ շուրջ 1,2 միլիարդ մարդ ծայրայեղ աղքատութեան մէջ կ՛ապրի։ Անոնց համար մարտահրաւէր ու սպառնալիք են սննդամթերքի, ապաստանի և տարրական ծառայութիւններու պակասը, վտանգաւոր աշխատանքային պայմանները, ինչպէս նաեւ քայքայուած և անապահով կենսապայմանները:
Աղքատութեան վերացման միջազգային օրը հաստատուած է նպատակ ունենալով բոլոր երկրներուն մէջ բարձրացնել աղքատութեան վերացման դէմ պայքարի մասին իրազեկութիւնը:
Օրը կ՛ուզէ նաեւ արժեւորել աղքատութեան մէջ ապրող մարդոց ջանքերն ու պայքարը, անոնց հնարաւորութիւն տալով լսելի դարձնել իրենց մտահոգութիւնը:
Այս օրը կապուած է 1987 թուականի հոկտեմբերի 17-ի հետ, երբ Փարիզի Թրոքատերօ հրապարակին վրայ հաւաքուեցան աւելի քան 100 հազար մարդ, որպէսզի յարգանքի տուրք մատուցեն ծայրայեղ աղքատութեան, բռնութեան և սովի զոհերու յիշատակին:
Հաւաքին մասնակցողները հաստատած էին որ աղքատութիւնը մարդու իրաւունքները կ՛ոտնահարէ, ու թէ հարկաւոր է համատեղ ջանքերով պահպանել այդ իրաւունքները:
Այդ հաւաքէն հինգ տարի անց՝ 1992 թուականի դեկտեմբերի 22-ին, ՄԱԿ-ի գլխաւոր նստաժողովը բանաձև ընդունեց՝ հոկտեմբերի 17ն հռչակելով Աղքատութեան վերացման համար պայքարի միջազգային օր:
ՄԱԿ-ի աղքատութեան վերացման 2019-ի օրուայ բնաբանն է «Միասին գործել մանուկներուն ու անոնց ընտանիքներուն եւ հասարակութիւններուն հնարաւորութիւններ ընծայելու՝ վերջ դնելու համար աղքատութեան»։
Այս ուղղութեամբ ՄԱԿ-ը հաստատած է թէ անընդունելի որ միլիոնաւոր մարդիկ ապրին ծայրայեղ աղքատութեան մէջ աշխարհի մը մէջ որ յատկանշուած է տնտեսական ու արհեստագիտական աննախադէպ զարգացումներով։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ