Նախագահ Արմէն Սարգսեան ներկայ գտնուեցաւ Ճափոնի Կայսր Նարուհիթոյի գահակալութեան արարողութեան։
Հայաստանի Հանրապետութեան նախագահ Արմէն Սարգսեան տիկնոջ` Նունէ Սարգսեանի հետ Ճապոնի կառավարութեան հրաւէրով Թոքիոյի մէջ ներկայ գտնուեցաւ Ճափոնի նոր կայսեր` Նարուհիթոյի գահակալութեան հանդիսաւոր տօնակատարութեան, կը հաղորդէ ՀՀ նախագահի մամլոյ ծառայութիւնը։
Ճափոնի կայսերական պալատին մէջ տեղի ունեցած արարողութեան ներկայ գտնուեցան պատուիրակներ աշխարհի 183 երկիրներէ, ներառեալ` թագաւորական ընտանիքներ, պետութիւններու ու կառավարութիւններու ղեկավարներ, այլ բարձրաստիճան պաշտօնեաներ, միջազգային կազմակերպութիւններու ղեկավարներ:
Միապետին գահակալութեան առթիւ շնորհաւորական խօսք ուղղեց Ճափոնի վարչապետ Շինձօ Ապէն:
Աւանդապաշտ Ճափոնի մէջ կայսրը ունի հիմնականօրէն ներկայացուցչական լիազօրութիւններ: Սահմանադրութեան համաձայն` Ճափոնի մէջ կայսրը պետութեան եւ ազգի միասնութեան խորհրդանիշն է եւ կ՛իրականացնէ արարողակարգային գործառոյթներ: Ճափոնի մէջ` այժմ արդէն նախկին կայսր 85-ամեայ Աքիհիթոն այս տարուան Ապրիլին գահէն հրաժարուած էր զայն փոխանցելով որդիին։ Կայսերական ընտանիքը ունի հազարամեայ պատմութիւն: Նարուհիթոն այս հարստութեան, որ գոյութիւն ունի աւելի քան 2600 տարի, 126-րդ կայսրն է:
Քաղուած «Եռագոյն» էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ