«Շնորհաւոր ըլլայ անկախութիւնդ Հայաստան»։
Այսօր 21 սեպտեմբերը՝ Հայաստանի Հանրապետութեան անկախութեան տօնն է։ Տօնն է ամէն մէկ հայու՝ ամէն մէկ անհատի, որուն երակներուն մէջ կը հոսի արիւնն անոնց որոնք պատմութեան հոլովոյթին գիտցան կառչած մնալ իրենց պապենական հաւատքին, պաշտպանեցին իրենց ինքնութիւնը ու ապագայի սերունդներուն փոխանցեցին գոյատեւումի պատգամը։
Շատ բաներ կարող ենք ըսել ու գրել այս թուականի մասին, սակայն վստահ ենք որ ամէն մէկ հայու սրտին մէջ, աւելի զօրեղ բառեր ու խօսքեր կան, քան որեւէ այլ պատգամ կամ արտայայտութիւն։ Ուստի կը բաւարարուինք գրելով «Շնորհաւոր ըլլայ անկախութեան տօնդ՝ Հայաստան» ու այս շնորհաւորանքը կ՛ընդլայնենք աշխարահսփիւռ մեր բոլոր հեռու ու մօտկ հայրենակիցներուն։
«Շնորհաւոր ըլլայ անկախութեան տօնդ՝ Հայաստան»:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
