Լիբանանի մէջ տարածաշրջանային երիտասարդաց հաւաք:
Վազգէն Աբարդեան - Վատիկան
Լիբանանէն, Սուրիայէն, Իրաքէն, Յորդանանէն եւ Եգիպտոսէն ժամանած աւելի քան 400 երիտասարդներու մասնակցութեամբ, Լիբանանի մէջ տեղի կ՝ունենայ տարածաշրջանային երիատաարդաց հաւաքի 5-րդ փուլը:
Նախաձեռնութեամբ միջին արեւելքի մէջ Յիսուսեան միաբանութեան, յիշեալ երիատարդաց հաւաքը հերթափար տեղի կ՝ունենայ ամէն տարի՝ 2006 թուականէն ի վեր, որուն ծիրէն տեղի կ՝ունենան աղօթք, եղբայրական հանդիպում, ուր երիտասարդներ կանչուած են մտածելու ՝ միջին արեւելքի մէջ իրենց ներկայութեան ու ապագային մասին, բախումներէ եւ բռնութիւններէ խոցուած տարածաշրջանի մը մէջ:
Այս տարուան Միջին արեւելքի երիտասարդաց հաւաքը ունի որպէս նիւթ «այս խաղաղութիւնը, կախեալ է ձեր խաղաղութենէն»: Հաւաքին նպատակն է խրախուսել երիտասարդները՝ հետապնդելու իրենց երազներուն ու փափաքներուն, որպէսզի անոնք իրազեկ դառնալով իրենց սեփական կարողութեան եւ զարգացնելով իրենց ձիրքերը այդ բոլորը դնեն իրենց ապրած ընկերութեան տրամադրութեան տակ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
