Բաց նամակ Գիւմրիին` Հայաստանի Նախագահ Արմէն Սարգսեանէն
Երէկ Հայաստանի նախագահ Արմէն Սարգսեան հետեւեալ բաց նամակը յղած է Գիւմրիի օրուան առիթով:
«Այսօր ես Հայաստանի նախագահն եմ, սակայն քու մասիդ, Գիւմրի՛, ես կը շարունակեմ մտածել նախ եւ առաջ իբրեւ հայ, իբրեւ մարդ, որ լաւ գիտէ, թէ ի՛նչ է Գիւմրին, ով է գիւմրեցին: Այո՛, ինծի համար բախտ վիճակուած է այցելել աշխարհի շատ հին ու նոր քաղաքներ, որոնք բոլորն ալ ունին իրենց հմայքն ու գրաւչութիւնը: Սակայն քու բացառիկ բնոյթդ ու ոգիի մաքրութիւնդ են, որ զիս կրկին կը կանչեն քեզ մօտ», գրած է նախագահը: «Այս է պատճառը, որ ես քեզ այցելող ոեւէ օտարերկրացիի, ինչպէս նաեւ Հայաստանի, Արցախի ու սփիւռքի մեր հայրենակիցներուն կ՛ըսեմ` ինչպէ՞ս կրնան չսիրահարիլ քեզ այնպէս, ինչպէս ես սիրահարեցայ»:
Քաղուած «Ազդակ»էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
