Հայկական Կարիտասը կազմակերպեց երկու ամառային դպրոց Հայկական Կարիտասը կազմակերպեց երկու ամառային դպրոց 

Հայկական Կարիտասը կազմակերպեց երկու ամառային դպրոց «Աղաջանեան կենտրոնում»

Ամարային դպրոցներին մասնակցել են սիրիահայ եւ տեղացի երիտասարդներ:

Եւրոպական միութեան կողմից ֆինանսաւորուող «Ճանաչել: Պաշտպանել: Իրագործել:» ծրագրի շրջանակներում «Հայկական Կարիտաս»-ը  կազմակերպել է  8 օր տեւողութեամբ 2 ամարային դպրոց` «Մասնագիտական կողմնորոշում» եւ «Սոցիալական ներառում եւ ինտեգրում» թէմաների շուրջ: Ամարային դպրոցները կազմակերպուել են  Հայ Կաթողիկէ Եկեղեցու «Աղաջանեան» կենտրոնում, 2019թ. Յուլիսի 27-ից օգոստոսի 3-ը:

Ամարային դպրոցներին մասնակցել են սիրիահայ եւ տեղացի երիտասարդներ:

Մասնագիտական կողմնորոշման Ամարային դպրոցի շրջանակում դասընթացավարները ինտերակտիւ խաղերի եւ գործողութիւնների միջոցով օգնում են 15-18 տարեկան մասնակիցներին բացայայտել, թէ ինչ են իրենք սիրում, ինչ են կարողանում, ինչ է առաջարկում աշխատաշուկան, եւ ինչ է ակնկալում հասարակութիւնը:

Օրակարգում ընդգրկուած էին ինքնաճանաչման, աշխատաշուկայի պահանջների եւ մասնագիտութեան ընտրութեան, ֆինանսական գրագիտութեան վերաբերեալ ոչ ֆորմալ կրթութեան վարժութիւններ, խաղեր եւ այլ ինտերակտիւ մեթոդներ։

Սոցիալական ներառման եւ ինտեգրման ամարային դպրոցը հնարավորութիւն ընձեռեց 19-25 տարեկան մասնակիցներին՝ ձեռք բերելու նոր գիտելիքներ մարդու իրաւունքների, խոցելի խմբերի ներառման, մշակութային առանձնայատկութիւնների եւ ընդհանրութիւնների մասին: Ամարային դպրոցի շրջանակներում ուսուցումը իրականացւում էր ոչ ֆորմալ կրթութեան՝ դերային եւ քարտային խաղերի, յատուկ վարժութիւնների, ինտերակտիւ քննարկումների, ֆորում թատրոնի միջոցով:

Բացի կրթական հատուածը, ամարային դպրոցների մասնակիցների համար կազմակերպուեց է նաեւ ակտիւ հանգիստ` նշեցին Վարդավառը, այցելեցին «Էմիլի Արեգակ» բազմակի հաշմանդամութիւն ունեցող երեխաների ցերեկային խնամքի կենտրոն եւ «Արեգակ» փուռ-սրճարան, շփուեցին կենտրոնի սաների հետ, շրջեցին Գիւմրիում, այցելեցին Տեխնոպարկ եւ Գիւմրու ժողովրդական ճարտարապետութեան եւ ժամանակակից կենցաղի թանգարան, միասին լաւ ժամանակ անցկացրեցին:

Սոցիալական ներառման եւ ինտեգրման ամարային դպրոցի մասնակիցները Յուլիսի 31-ին հոհեգշահ եւ հետաքրքիր հանդիպում են ունեցան Հայկական Կարիտասի Ընդհանուր Նախագահ Արհ. Տ. Ռաֆայէլ Արքեպիսկոպոս Մինասեանի հետ, զրուցեցին համամարդկային արժէքների եւ համընդհանուր խնդիրների, մարդկային յարաբերութիւնների եւ ապագայի շուրջ:

Տեղեկատւութիւնը տրամադրեց Հայկական Կարիտասի «Միգրացիա եւ ինտեգրում» ծրագրի ղեկավար Լուսինէ Ստեփանեանը

Քաղուած «armenianchurchco.com» կայքէն

Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ

13/08/2019, 09:49