Cerca

Vatican News
Երեւան Երեւան 

Երեւան ընդգրկուած է Եւրոպական 20 լաւագոյն քաղաքներու ցանկին վրայ. «Սի.Էն.Էն.»

Ցանկին վրայ ներառուած միւս քաղաքներէն են Մինսկը, Թիֆլիսը, Անգարան եւ Պեռնը:

Ամերիկեան «Սի. Էն.Էն.» (CNN) պատկերասփիւռի ալիքը հրապարակեց ցանկը եւրոպական 20 ամէնէն գեղեցիկ քաղաքներուն, ուր մեծ թիւով զբօսաշրջիկներ չեն այցելեր, որուն մէջ ընդգրկուած է նաեւ Հայաստանի մայրաքաղաքը: Անոր տեսարժան վայրերը քիչ բացայայտուած են զբօսաշրջիկներու կողմէ, կը փոխանցէ «Թերթ»ը:

«Հայաստանի մայրաքաղաքի դիրքը Եւրոպայի հեռաւոր արեւելեան շրջաններուն մէջ կը նշանակէ, որ ճամբորդները յաճախ զայն նկատի չեն ունենար: Սակայն առաւել քան 2800 տարուան պատմութիւն ունեցող այս քաղաքին մէջ անցեալը կարելի է զգալ նոյնիսկ առանց զբօսաշրջիկներու մեծ խումբերու», կ՛ըսուի նկարագրութեան մէջ:

Նիւթին հեղինակները զբօսաշրջիկներուն խորհուրդ կու տան հայ եկեղեցւոյ եւ Երեւանի պատմութեան ծանօթանալու՝ «Էրեբունի» պատմաճարտարապետական թանգարանին մէջ:

Ցանկին վրայ ներառուած միւս քաղաքներէն են Մինսկը, Թիֆլիսը, Անգարան եւ Պեռնը:

Քաղուած «Ասպարէզ» էն

26/07/2019, 09:45