Cerca

Vatican News
Ազգային  Մեսրոպ Մաշտոց մատենդարանը Ազգային Մեսրոպ Մաշտոց մատենդարանը 

16 Երկիրներէ Հայաստան ժամանած սփիւռքահայ ուսուցիչները պիտի վերապատրաստուին պատմական հայրենիքի մէջ

Այս տարի ծրագիրին մասնակցելու համար դիմած 80 ուսուցիչէն կը մասնակից 61-ը` 16 երկիրներէ։

Խ. Աբովեանի անուան Հայաստանի պետական մանկավարժական համալսարանին մէջ Յուլիս 1-ին տեղի ունեցաւ սփիւռքահայ ուսուցիչներու վերապատրաստման ամենամեայ դասընթացներու մեկնարկի արարողութիւնը:

«Դուք Սփիւռքի մէջ հայերէնի գլխաւոր պահապաններն էք եւ ամէն անգամ Հայաստան գալով եւ նոր մեթոտներ տանելով սփիւռքի մեր համայնքներ` աւելի կ՛ուժեղացնէք ձեր կրթական հաստատութիւններու դիրքն ու դերը: Մենք այս վերապատրաստումներով կը ձգտինք ստեղծել հայերէնի դասաւանդման եւ ընդհանուր հանրակրթութեան մէկ դաշտ»,- ըսած է ՀՀ կրթութեան, գիտութեան, մշակոյթի եւ մարմնամարզութեան նախարար Արայիկ Յարութիւնեան:

Ան տեղեկացուցած է, որ այժմ կը քննարկեն հայագիտութեան զարգացման նոր փաստաթուղթ, որու ծիրէն ներս հայագիտական առարկաներու դասաւանդման աւելի կարեւորութիւն պիտի տրուի:

Սփիւռքի գործերու գլխաւոր յանձնակատար Զարեհ Սինանեան նշած է, որ այդ ուսուցիչներու մէջքին «կանգնած է ամբողջ պետութիւն մը»:

«Ձեր աշխատանքի կարեւորութեան, կշիռի եւ անհրաժեշտութեան մասին տեսականօրէն չեմ խօսիր. իմ չորս երեխաները հայեցի կրթութիւն ստացած են եւ կը ստանան սփիւռքի մէջ, մինչեւ հայրենադարձուիլը: Այնպէս որ, գիտեմ` ինչպիսի զոհողութիւններու շնորհիւ կը կատարուի ատիկա»,- նշած է Սփիւռքի գործերու գլխաւոր յանձնակատարը:

Այս տարի ծրագիրին մասնակցելու համար դիմած 80 ուսուցիչէն կը մասնակից 61-ը` 16 երկիրներէ։

Մասնակից երկիրներն են` ԱՄՆ, ԱՄԷ, Աւստրալիա, Գերմանիա, Դանիա, Իսրայէլ, Իրան, Իրաք, Լիտուայ, Լեհաստան, Ռուսաստան, Սուրիա, Ուքրանիա, Վրաստան, Ֆրանսա:

Հայաստանի մէջ սփիւռքահայ ուսուցիչներու վերապատրաստման մէկամսեայ ծրագիրը կը գործէ 2000-էն ի վեր։

Քաղուած Եռագոյն կայքէն

02/07/2019, 10:26