Յորդանանի մէջ Քոմպոնիան միաբանութեան քոյրերը կը շարունակեն հոգ տանիլ Սուրիացի գաղթականներուն:
Վազգէն Աբարդեան - Վատիկան
Տառապող եկեղեցւոյ օգնութիւն քահանայապետական բարեսիրական կազմակերպութիւնը կոչ ուղղած է բարերարներուն օգնելու Յորդանանի մէջ գտնուող Իտալական հիւանդանոցին, որ կը գտնուի Քոմպոնիան միաբանութեան հոգածութեան տակ:
Յիշեալ հիւանդանոցը, ուր ամէն օր կը հասնի բազմաթիւ Սուրիացի գաղթականներ կը համագործակցի Հռոմի Յիսուս մանուկ մանկաբուժարանին հետ:
Հիւանդանոցը՝ ուր գրեթէ 25000 հիւանդներուն խնամք կը տարուի, տնտեսական գետնի վրայ ինքնաբաւ էր սակայն՝ ամէն օր հիւանդանոցին մէջ հիւրասիրուող բազմաթիւ սուրիացի գաղթականներուն պատճառով, հիւանդանոցի մայրապետները դիմած են բարերարներուն, հայցելով նիւթական օգնութիւն:
«Մեր հիւանդանոցը փոքրիկ օվազիս մըն է Յորդանանի հարաւային շրջանին մէջ : Գրեթէ 80 տարիներէ ի վեր այս հիւանդանոցին մէջ կը գործեն աւելի քան 85 անձեր, որոնց մեծամասնութիւնը՝ 80 տոկոսով մահմետականներ են:
Կառոյցը կրօնական, մշակութային՝ ժողովուրդներուն հանդիպումի վայրը մըն է, ուր ամէնքը կը գործեն հասարակաց առաքելութեան համար: » Այս մասին Վատիկանի Նիւզի յայտնեց Քոյր Ատելէ Պրամպիլլան, Քոմպոնիան քոյրերու միաբանութեան ընդհանուր մեծաւորուհին:
Քոյր Պրամպիլլա ուզեց շեշտել, որ իրենց հիւանդանոցին մէջ ամենէն շատ խնամք կը տարուի աղքատ մարդոց, որոնք ոչ մէկ հնարաւորութիւն ունին բուժուելու:
Ան յայտնեց է, թէ Սուրիոյ կարգ մը քաղաքներու մէջ հանդարտութիւն կը տիրէ սակայն՝ շատ մը այլ շրջաններուն մէջ տակաւին բախումները կը շարունակուին, որոնց թիրախ են քրիստոնեայ հասարակութիւնները: Շաբաթ մը առաջ հրթիռակոծումի ենթարկուած է Սուրիոյ հիւսիս արեւմուտք գտնուող քրիստոնեաներուն գիւղ մը: ըսաւ Ան:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
