Cerca

Vatican News
Նախագահ Սարգսեան ընդունած է  Հայր Վահան Օհանեանը եւ Արա Քաթիպեանը։ Նախագահ Սարգսեան ընդունած է Հայր Վահան Օհանեանը եւ Արա Քաթիպեանը։ 

Նախագահ Սարգսեան ընդունած է Հայր Վահան Օհանեանը եւ Արա Քաթիպեանը։

Հայր Վահան Օհանեան եւ Արա Քաթիպեան հեղինակներ են «The Armenian Genocide: Prelude and Aftermath. As reported in the U.S. Press – The New York Times» երկհատոր գիրքին։

Հանրապետութեան նախագահ Արմէն Սարգսեան հիւրընկալած է Վենետիկի Մխիթարեան միաբանութեան միաբան, գերաշնորհ հայր Վահան ծայրագոյն վարդապետ Օհանեանը եւ աւստրալահայ գործիչ Արա Քաթիպեանը:

Ինչպէս «Հայերն այսօր»-ին կը յայտնեն ՀՀ նախագահի մամլոյ ծառայութենէն, հիւրերը տեղեկացուցած են, որ միաբանութեան կողմէ ձեռնարկուած է Հայոց ցեղասպանութեան նախորդած եւ յաջորդած ժամանակաշրջաններուն ամերիկեան մամուլին մէջ տեղ գտած հրապարակումներուն առնչուող 10 հատորանոց անգլերէն մատենաշարի հրատարկութիւնը, որ պիտի ընդգրկէ վեց առաջատար ամերիկեան թերթերը` «The New York Times», «The Boston Daily Globe», «The Chicago Tribune», «The Christian Science Monitor», «The Los Angeles Times» եւ «The Washington Post»-ը:

Անոնք նախագահին նուիրած են մատենաշարի առաջին` «The Armenian Genocide: Prelude and Aftermath. As reported in the U.S. Press – The New York Times» երկհատոր գիրքը: Հատորներուն մէջ ներկայացուած 2666 յօդուածներուն անդրադարձ  կը կատարուի 1894-1896 թթ․ համիտեան կոտորածներուն, Ատանայի կոտորածին, 1915 թ․Հայոց ցեղասպանութեան եւ այդ կոտորածներու անմիջական հետեւանքներուն:

Հեղինակները նշած են, որ գիրքերը նախատեսուած են ոլորտի մասնագէտներու եւ հետազօտողներու համար, չեն վաճառուիր եւ պիտի յանձնուին գրադարաններուն ու համալսարաններուն

18/03/2019, 08:25