Փիլիպպինեան կղզիներուն մէջ պատարագի ժամանակ ռումբ մը պայթած է :
Վազգէն Աբարդեան - Վատիկան
Կիրակի, 27 յունուար 2019-ին, Սուլ մարզին մէջ գտնուող Մոնթէ Քարմելօ Տիրամայր անուան մայր տաճարին մէջ, մէկ ռումբ պայթած է եկեղեցիէն ներս, իսկ երկրորդ ռումբ մը եկեղեցիէն դուրս:
Պայթումը տեղի ունեցած է կիրակնօրեայ Սուրբ Պատարագի արարողութեան ժամանակ: Ականուած ռումբերու հետեւանքով առաջին տուեալներու համաձայն արձանագրուած են 27 մեռեալներ եւ 77 վիրաւորներ: Պայթումի վայր անմիջապէս փութացած են խումբ մը ոստիկաններ:
Ոստիկաններու փոխանցմամբ առաջին ռումբը պայթած է Տիրամօր Մայր տաճարին գլխաւոր մուտքին դրան դիմաց: Մինչ երկրորդ ռումբը պայթած է առաջին ռումբի պայթումէն ետք, ոստիկանները եկեղեցի հասնելէ վերջ : Այս պատճառաւ 27 զոհերու շարքին կը գտնուին, անվտանգութեան ուժերու կարգ մը անդամներ:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ