Պեթա տարբերակ

Cerca

Vatican News
Մայր Աթոռ Էջմիածին Մայր Աթոռ Էջմիածին 

Պուենոս Այրեսի Մխիթարեան վարժարանի սաները Էջմիածնի մէջ։

Վեհափառ Հայրապետը վստահութիւն յայտնեց, որ այցը հաւասարապէս խանդավառութեամբ պիտի լցնի վարժարանի ոչ միայն հայ, այլ և օտարազգի սաների հոգիները

Մայր Աթոռ Սուրբ Էջմիածնի պաշտօնական կայքը կը տեղեկացնէ թէ Հոկտեմբերի 10-ին Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Բուենոս Այրեսի (Արգենտինա) Մխիթարեան վարժարանի մի խումբ սաների` առաջնորդութեամբ Հայաստանում Մխիթարեան կենտրոնի տնօրէն Հայր Եղիա վարդապետ Քիլաղպեանի:

 Նորին Սրբութիւնն իր հայրական սէրն ու օրհնութիւնը բերեց պատանիներին` ուրախութիւն յայտնելով համայն հայութեան նուիրական սրբավայր նրանց այցի առիթով:
Արգենտինացի ուխտաւորների հետ զրոյցում Վեհափառ Հայրապետը գնահատանքով անդրադարձաւ Մխիթարեան վարժարանի ուսուցիչների նուիրեալ և նախանձախնդիր աշխատանքին: Ամենայն Հայոց Կաթողիկոսը նկատեց նաև, որ Հայրենիք այցը աւանդոյթ է դառնում` նպաստելով, որ Հայաստանին միայն դասագրքերից ծանօթ աշակերտներն իրականում հաղորդ դառնան հայ ժողովրդի աւանդոյթներին ու սրբութիւններին:

Վեհափառ Հայրապետը վստահութիւն յայտնեց, որ այցը հաւասարապէս խանդավառութեամբ պիտի լցնի վարժարանի ոչ միայն հայ, այլ և օտարազգի սաների հոգիները:
Ամենայն Հայոց Կաթողիկոսի հետ զրոյցում պատանի ուխտաւորները նաև պատմեցին իրենց տպաւորութիւնների մասին, տեղեկութիւններ փոխանցեցին իրենց կրթական հաստատութեան, հետաքրքրութիւնների և ընտանիքների վերաբերեալ: Նորին Սրբութիւնը սաներին մաղթեց բարի կեցութիւն, ուրախ, ոգեշնչող և հոգևոր ապրումներով հարուստ օրեր Հայաստանում:

11/10/2018, 08:00