Պեթա տարբերակ

Cerca

Vatican News
2018-ի Խաղաղութեան Նոպէլեանի մրցանակակիրներ 2018-ի Խաղաղութեան Նոպէլեանի մրցանակակիրները  (AFP or licensors)

Խաղաղութեան նոպէլեան մրցանակը՝ Տընիս Մուկվեկէին եւ Նատիա Մուրատին։

Քոնկոլացի վիրաբոյժ Տընիս Մուկուեկէ եւ Իրաքի մէջ ՏԱՀԵՇ-ի ոճիրներու թիրախ՝ եզտի իրաւապաշտպան Նատիա Մուրատը:

Ռոպէր Աթթարեան - Վատիկան

Ուրբաթ 5 հոկտեմբեր 2018-ի առաւօտեան Նորվեկիայի Օզլօ քաղաքին մէջ, յայտարարուեցան 2018 թուականի  Խաղաղութեան նոպէլեանի մրցանակակիրներու անունները:
Քոնկոլացի վիրաբոյժ Տընիս Մուկուեկէ եւ Իրաքի մէջ ՏԱՀԵՇ-ի գործադրած ոճիրներու թիրախ՝ եզտի իրաւապաշտպան Նատիա Մուրատը: «Անոնք  պարգևատրուած են զինուած  հակամարտութիւններու ժամանակ սեռական բռնութեան վերջ դնելու ուղղուած ջանքերուն համար» նշած է այս առթիւ Նոպէլեան մրցանակի կոմիտէն:

Մուկվեկէն իր կեանքը նուիրեց՝ Քոնկոյի հանրապետութեան մէջ պատերազմական գօտիներու մէջ բռնաբարութեան զոհ  կիները փրկելու ու զանոնք պաշտպանելու  համար,  մինչ Նատիա Մուրատը դարձաւ  կիներու պաշտպանութեան քաղաքական գործիչ, ՏԱՀԵՇ-ի կողմէ առեւանգուելէ ու «սեռային» ստրկութեան թիրախ դառնալէ ետք։

Նշենք թէ 5 մայիս  2017ի հրապարակային ունկնդրութեան ընթացքին,  23 ամեայ Նատիա Մուրատը ս. Պետրոսի հրապարակին վրայ առիթ ունեցած էր հանդիպելու եւ զրուցելու Ֆրանչիսկոս Սրբազան Քահանայապետի հետ։  

05/10/2018, 12:05