Պեթա տարբերակ

Cerca

Vatican News
Միացեալ Նահանգներ ներգաղթողներու լուսանկար Միացեալ Նահանգներ ներգաղթողներու լուսանկար  (AFP or licensors)

Դէպի Միացեալ Նահանգներու սահման շարժող ներգաղթողներու«Կարաւան»

Մէկ գիշերուան մէջ դէպի Միացեալ Նահանգներու սահման շարժող ներգաղթողներու «Կարաւան»-ին միացած է 5 հազար մարդ

Հոնտուրասէն ու լատին ամերիկեան այլ երկիրներէն դէպի Միացեալ Նահանգներ շարժող ներգաղթեալներու «կարաւան»-ը, որուն երկարութիւնը աւելի քան 4 քիլոմեթր է, արդէն կը պարփակէ 7000-էն աւելի անդամ: Այս մասին կը հաղորդէ «Տէյլի Մէյլ»-ը:
Բրիտանական օրաթերթը կը նշէ, որ տակաւին մէկ օր առաջ «կարաւան»-ը կը բաղկանար երկու հազար մարդէ: Ներգաղթեալներու թիւը հինգ հազարով աւելցած է ընդամէնը մէկ գիշերուան մէջ:
Ներգաղթեալներու ամբոխի մէկ մասը` 640 հոգի, ներկայիս կը գտնուի Մեքսիքայի տարածքին, ուր յայտնուած է Կուաթեմալայի սահմանը հատելէ ետք: Միւսները կը գտնուին Կուաթեմալայի մէջ: Անոնք նպատակ ունին Մեքսիքայի տարածքով հասնիլ Միացեալ Նահանգներու սահման ու «երազանքներու երկրին» մէջ ապաստան ստանալ:
Միացեալ Նահանգներու նախագահ Տանըլտ Թրամփ սպառնացած է այլեւս օգնութիւն չտրամադրել Հոնտուրասին ու Կուաթեմալային, եթէ «կարաւան»-ին ընթացքը չկասեցուի:
Թրամփ յայտարարած է, որ ներգաղթեալներու «կարաւան»-ը քաղաքական դրդապատճառներ ունի` ատոր մէջ մասամբ մեղադրելով նաեւ դեմոկրատականները:
Այս հարցին մէջ Թրամփի համակարծիք են նաեւ Հոնտուրասի եւ Կուաթեմալայի նախագահները:

23/10/2018, 09:03