Պեթա տարբերակ

Cerca

Vatican News
Պիքֆայայի Մայրավանք Պիքֆայայի Մայրավանք 

Վատիկանի մէջ Լիբանանի նոր նշանակուած դեսպանը այցելեց Վեհափառ Հայրապետին

Պիքֆայայի Ս. Աստուածածին վանքի վեհարանին մէջ, Արամ Ա. վեհափառ հայրապետը ընդունեց դեսպան Ֆարիտ Խազենը:

Երկուշաբթի, 16 յուլիս 2018-ի երեկոյեան, Պիքֆայայի Ս. Աստուածածին վանքի վեհարանին մէջ, Արամ Ա. վեհափառ հայրապետը ընդունեց Վատիկանի մէջ Լիբանանի նոր նշանակուած դեսպան դոկտ. Ֆարիտ Խազենը:

Նոր նշանակուած դեսպանը նախքան Վատիկան մեկնիլը փափաքած էր այցելութիւն մը տալ Արամ Ա. կաթողիկոսին, որպէսզի վեհափառ հայրապետէն տեղեակ դառնայ Միջին Արեւելքի, յատկապէս Լիբանանի նկատմամբ Վատիկանի կեցուածքին մասին: Վեհափառ հայրապետը, քաջատեղեակ ըլլալով ընդհանրապէս Միջին Արեւելքի եւ յատկապէս Լիբանանի կացութեան, ամփոփ գիծերով ներկայացուց շրջանին մէջ ստեղծուած ընդհանուր պատկերը եւ յաւելեալ լուսաբանութիւններ տուաւ քրիստոնեայ համայնքներուն, քրիստոնեայ-իսլամ գոյակցութեան եւ ընդհանրապէս Լիբանանի նկատմամբ միջազգային համայնքին կեցուածքին մասին:

Յայտնենք, որ դոկտ. Ֆարիտ Խազեն եղած է նախկին երեսփոխան Քեսրուանի շրջանէն, ինչպէս նաեւ ամերիկեան համալսարանին մէջ միջազգային օրէնքի ու քաղաքականութեան դասախօս:

17/07/2018, 08:39