Հայկական եկեղեցին ներառուած է Սան Փեթերսպուրկի զբօսաշրջային Եզակի երթուղիին մԷջ
Քրիստոնէութեան 4 ուղղութիւնները` ուղղափառ, բողոքական, կաթողիկէ եւ հայ առաքելական, մշակած են եզակի նախագիծ` Սան Փեթերսպուկի բնակիչներուն եւ հիւրերուն համար:
«Նեւայի պողոտայի տաճարներ»-ը եզակի երթուղի է, որուն նպատակն է միաւորել յարանուանութիւնները, որոնց կոթողները ներկայացուած են Փեթերսպուրկի գլխաւոր փողոցին մէջ: Երթուղին պիտի սկսի Կազանի Աստուածամօր տաճարէն, անցնելով Սուրբ Պետրոս եւ Պօղոս տաճարի կողքով, Սուրբ Կատարինայի բազիլիկայով: Երթուղիին վերջին կէտը պիտի ըլլայ Հայկական եկեղեցին»,- «Հայերն այսօր»-ի փոխանցմամբ, կը յայտնէ Rusarminfo-ն, յղում կատարելով Սան Փեթերսպուրկի հեռուստառատիոյի քաղաքային գործակալութեան:
Հայկական Սուրբ Կատարինայի տաճարը կառուցուած է 1771 թուականին, հեղինակը գերմանական ծագումով ճանչցուած ճարտարապետ Գէորգ Ֆելտենն է: 1917 թուականի յեղափոխութենէն ետք հայկական եկեղեցին փակուած է: 1993 թուականին եկեղեցին վերադարձուած է հայկական կրօնական համայնքին:
Քաղուած Հայերն այսօր-էն
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
