«Գովեալ Ըլլաս» շրջաբերականի շաբաթ նուիրուած հասարակաց տան խնանքին
Վազգէն Աբարդեան - Վատիկան
Նախաձեռնութեամբ մարդկային համապարփակ ծառայութեան համար վերատեսչութեան, Ֆրանչիսկոս Սրբազան Քահանայապետին հասարակաց տանք խնամքի վերաբերեալ«Գովեալ Ըլլաս» շրջաբերականին 8-րդ տարեդարձին առթիւ կազմակերպուեցաւ յատուկ շաբաթ մը, որ սկիզբ առաւ անցեալ կիրակի 21 մայիսին ու վերջ կը գտնէ 28 մայիսին՝ Պենտեկոստէի տօնին օրը։
Վերոյիշեալ ձեռնարկին պաշտօնական կայքէջին վրայ հրապարակուած է յատուկ ուղեցոյց մը, որուն մէջ առաջարկուած են մոլորակը փրկելու համար պարզ ժեսթեր եւ առօրեայ վերաբերմունքներ։
Ընդհանուր տունը փրկելու կապակցութեամբ Ուղեցոյցին մէջ յորդորուած է պարտէզներ իրականացնել՝ խոկալու եւ մեծարելու համար Սուրբ Կոյս Մարիամը՝ մայիս ամսուան ընթացքին՝ Մայր երկիրը խնամելու ժամանակ։
Առաջարկուած է նաեւ ստեղծել կանանչ վայրեր ու մաքրութեան աշխատանքներ թաղամասերու, ծովափերու, գետերու, պարտէզներուն համար։
Մինչ առօրեայ կեանքին մէջ օրինակ տրուած է օգտագործել գնումներու համար բազմակի օգտագործուող պայուսակներ, խուսափիլ ուտելիքներէ մսխելէ ինչպէս նաեւ մաքրութեան համար օգտագործել բնական արտադրանքներ
ի վերջոյ ժողովուրդը իրազեկ դարձնելու համար մոլորակի խնդիրներուն մասին խորհուրդ տրուած է ներգրաւել ժողովրդապետութիւնները, որպէսզի կատարեն իրենց բաժինը, նպաստելով կենսաբազմազանութեան կեանքին ու մասնակցելով Գովեալ Ըլլաս շարժումի կողմէ կազմակերպուած մարզային պաշտպանութեան արշաւներուն։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
