Գերապայծառ Կալլակեր կ՝այցելէ Լիքթէսթայն ուր ելոյթ կ՝ունենայ դիւանագիտութեան եւ աւետարանի մասին։

Վազգէն Աբարդեան - Վատիկան

Երկուշաբթի, 24 ապրիլին սկիզբ կ՝առնէ Սուրբ Աթոռի պետութիւններու եւ միջազգային կազմակերպութիւններու հետ յարաբերութեան քարտուղար, արքեպիսկոպոս Փոլ Ռիչարտ Կալլակերի Լիքսթէթայն իշխանութիւն երկօրեայ այցելութիւնը, «St. Maria zum Trost auf Dux» մատրան մէջ կատարած առանձնական աղօթքով։

Վատիկանի Պետական քարտուղարութեան կողմէ հրապարակուած հաղորդագրութեան համաձայն, նախատեսուած է, որ այսօր՝ 24 ապրիլին, գերապայծառ Փոլ Ռիչարտ Կալլակեր հանդիպումներ ունենայ նախ Լիքթէսթայնի Վարչապետ տիար Daniel Risch-ի, ապա արտաքին գործոց, կրթութեան եւ մարզանքի նախարար, Տիար Dominique Hasler- ի հետ։

Լիքթէսթայն կատարած այցելութեան ծիրէն ներս, Գերապայծառ Փոլ Ռիչարտ Կալլակեր իր մասնակցութիւնը կը բերէ ու ելոյթով հանդէս կու գայ «Vaduz» անուան քաղաքապետարանին մէջ կազմակերպուած «Diplomacy and the Gospel» Դիւանագիտութիւն եւ Աւետարան խորագիրով դասախօսութեան։ Գերապայծառ Փոլ Կալլակերին առաջին Օրուան վերջին յայտագիրը վերջ կը գտնէ Alois von und zu Liechtenstein գահաժառանգի հետ քաղաքավարական այցելութեամբ ։

Մինչ՝ այցելութեան երկրորդ օրը՝ 25 ապրիլին, նախ քան Վատիկան վերադարձը, Սուրբ Աթոռի պետութիւններուն եւ միջազգային կազմակերպութիւններուն հետ յարաբերութեան քարտուղար, արքեպիսկոպոս Փոլ Ռիչարտ Կալլակեր,« St. Florin a Vaduz», մայր տաճարին մէջ կը նախագահէ Սուրբ Պատարագին։

Յայտնենք թէ, «Liechtenstein» 25 քմ երկարութեամբ եւ գերմաներէն լեզուով իշխանութիւն մըն է ու կը գտնուի Աւստրիոյ եւ Զուիցերիոյ միջեւ։